اوقات الفراغ املاها بالاستغفار
إدارة المدونة "إدارة المدونة ترحب بكل ضيوفها وزوارها وأعضائها وترى ضرورة التفاعل بالرأي والمشاركة الإيجابية الهادفة " نرتقي معاً " من أجل ...خدمة الإنسانية .. ...بخیر هاتنا مێڤانێت خوشتڤی دكەم هیڤیدكەم دخزمەت دابم....bxîr hatna mêvanêt xuştvî dkem hîvîdkem dxzmet dabm.....I welcome all the distinguished guests, I should serve you.....

كلمة المدونة

انت الزائر رقم

ارشيف اكرم يعقوب

مرات مشاهدة الصفحة في الأسبوع الماضي

ما مستوى هذه المدونة بنضرك

Blog Archive

استمع للقران

تقويم

واحشنا يا رسول الله

معرض المدونة

لعدل

2008-09-11
بسم الله الرحمن الرحيم .. الحمد لله رب العالمين .. والصلاة والسلام على رسول الله صلى الله عليه وسلم.

أهلا بيكم ونعيش مع "قصص القرآن" مضى عشرة أيام، يا ترى أخباركم إيه، رمضان..

أوله رحمة، وتاني عشرة أيام اللي بنبتديهم النهاردة .. وآخره عتق من النار، إحنا في أيام المغفرة، إحنا في العشرة الأواسط، أيام المغفرة، اللي ما تبش يتوب، اللي عايز يدخل أيام المغفرة وينال المغفرة بالله عليك لو عندك دم من الليلة دي، لو العشرة الأوائل عدو
منك يا جماعة، اكتب عندك عشان تفتكر بعد الحلقة الليلة دي ليلة توبة، أوسطه مغفرة ما تضعيش الفرصة مش ها تيجي كتير، عشان لما تخش العشرة الأواخر يبقى عتق من النار، وتخلص من جهنم وخلاص ويبقى الموضوع اتقفل، أنت من أهل الجنة إن شاء الله، أنا وأنت مش ضامنين ها نعيش السنة اللي جاية ولا لأ، يا ستات يا رجالة يا شباب مش عارفين ربنا ها يدينا رمضان كمان ولا لا .. يمكن تكون آخر فرصة، مش عارفين بلاش نموت، مش عارفين السنة الجاية ها نكون فاضيي ولا لا، مرضى ولا أصحاء، يا جماعة الفرصة، أوسطه مغفرة، وهذه ليالي المغفرة، فأرجوكم.

الحاجة التانية طمني أخبارك إيه في القرآن، شعارنا السنة دي سنحيا بالقرآن، عايشين مع قصص القرآن عشان نحبه ونفهمه ونعيش به ونصلح حياتنا به، ده قصص القرآن، وقصة النهاردة قيمة كبيرة نصلح حياتنا بيها، بس قبل ما أدخل أحب أن أرحب بالجمهور، عادة أنا ما أحبش في البرنامج أرحب بالجمهور، بس إحنا جمهورنا النهاردة أنت عارفين إحنا قلنا كل سنة بنصور رمضان لنا تسعة سنين دلوقت، كل سنة ربنا بترتيب من عنده يعني بنصور في أماكن مختلفة، صورنا مرات عديدة 4 رمضانات في القاهرة، رمضانين في السعودية في مكة والمدينة خطا الحبيب وباسمك نحيا، رمضانين في لبنان الحبيبة واللي لها فضل على الواحد أيام طويلة، والسنة دي قلنا نصور في مكان جديد، مع الجالية المسلمة في أوروبا نشجعهم ونحمسهم ونأخذ منهم روح ونفرح بيهم .. إحنا النهاردة بنصور في وسط أوروبا في التشيك وكل الحاضرين النهاردة أو أغلبهم جايين بأتوبيسات من النمسا، وأنا باشكرهم جدا جايين 350 كيلو فجزاهم الله خيرا، ولاد وبنات زي الفل أنا فخور بيهم حاجة تسعد، 15 و 16 سنة وأمهاتهم وأباءهم، حاجة جميلة جدا نفتخر بيها أن دول مسلمينا في فيينا ربنا يبارك لكم ويحفظكم، وعلى فكرة إحنا معنا هنا الآن 13 جنسية، متجمعين على حب الله، وعلى قصص القرآن .. حاجة جميلة قوي لما نلاقي الوحدة دي، يارب نلاقيها في بلادنا على طول زي ما إحنا شايفنها هنا بين الـ 13 جنسية بهذا الحب و الوئام الموجود معنا ..

تعالوا ندخل بعد المقدمة دي ندخل في قصة النهاردة، قيمة كبيرة قوي، أحب أبتديها بموقف، سأقول لكم قصة أو مشكلة وأضع لكم أربعة اختيارات، بداية مختلفة .. فقصص القرآن كل قصة تطلع موضوع جديد، أقول لكم الموقف وأنت تختار، وممكن العائلة في الفاصل تعمل هذه الاختيارات.

القصة..................................

لك جار سيء الخلق، لم تخطئ في حقه أبدًا بل تعامله باحترام وتقدير، فأنت رجل مؤدب وبتعامله كويس، وهو سيء الخلق، بينما هو يتعامل معك بشكل غير أخلاقي، أحيانا تلفيق تهم بلاغات كاذبة يقدم فيك بلاغ كاذب إيذاء مستمر ليك ولأهلك، يعني شيء رهيب، وأثناء ذلك وقعت حادثة سرقة في الشقة المجاورة، هو جارك ده ساكن في العمارة في شقة تانية، الشقة المجاورة لك حدث فيها حادث سرقة فاتجهت الشبهات لابن هذا الجار السيء الخلق لأنه معروف أيضا بسوء خلقه، فاتجهت الشبهات لابن هذا الرجل وبالفعل تم القبض عليه وبعد القبض عليه عرفت أنت وتأكدت من الحقيقة، ليس هو السارق، المفاجأة أن السارق الحقيق هو ابن عمك، ولم يعرف ذلك إلا أنت بالمصادفة، وقد أخبرت والدك أنك تأكدت وفعلا كلامك صحيح، فطلب منك الصمت، حرصا على ابن عمك، وحرصا على صلة الرحم، وحرصا على اسم العائلة، فإن تصرفك الصحيح يكون ..

1.          تبلغ عن ابن عمك.

2.          قد أرحت ضميرك بإخبار عمك وتترك له المسئولية وتحمل المسئولية أمام الله سبحانه وتعالى.

3.          تطلب من أبوك تعويض الرجل ماديا.

4.          تصمت عما حدث فهو انتقام من الله لهذا الرجل سيء الخلق وسيظهر الله براءة الولد عندما يشاء.

ماذا تختار ..

طيب أنا مش هاقول الإجابة، أنا هاقول الإجابة في آخر الحلقة .. خلونا نبدأ ونقول قصة اليوم بتتكلم عن قيمة العدل، العدل الذي قامت عليه السموات والأرض، العلد اللي ربنا سمى اسم من أسماءه الحسنى العدل، العدل اللي ربنا قال في القرآن (رَبَّنَا مَا خَلَقْتَ هَذَا بَاطِلاً سُبْحَانَكَ )(آل عمران: من الآية191) العدل لأن كل شيء بميزان دقيق جدا، العدل اللي لو ضاع تضيع قيم الناس كلها، وتفسد الحياة، وده حاصل في أماكن كتير، لو العدل راح يبقى عليه العوض ..

قيمة النهاردة هي العدل، العدل اللي بن القيم بيقول: التوحيد والعدل هما جماع صفات الكمال لله سبحانه وتعالى.

هل أنت إنسان عادل مع زوجتك؟ هل أنت عادل مع زوجتك؟ هل أنت عادل مع أولادك؟ هل أنت عادل مع جيرانك؟ عادل بين الولاد وبعضهم؟ تعرف أنت عادل ولا لأ لما يحصل تعارض مصالح كما في القصة اللي إحنا حكيناها؟ ساعتها ها تعرف أنت عادل ولا مش عادل؟

يعني لو أبوك وأمك ولو أنت قاضي وأمامك أبوك وأمك والحق مع ألد أعداءك أتعطيه الحق؟ طيب لو ابنك .. أنا سعيد قوي لأنه فيه واحد من ساعة ما بدأت عمال يقول لي أه .... طيب لو ابنك هو اللي متهم في قضية وهو الله عمل قضية ومتهم واحد برئ في السجن، تطلعه وتدخل ابنك، تعملها .. أنا عارف أني باسألك أسئلة صعبة، طيب أصعبها أكثر، لو بنتك؟ وهي اللي عملت حادثة عربية وواحد تاني داخل السجن، تودي بنتك، تودي ابنك؟ ..

طيب لو أنت محامي، وعارف أن موكلك ده هو الحرامي، وفيه واحد تاني برئ تطلعه، أو أنت محامي وعارف أن اللي أنت ها تطلعه ده هو اللي سرق في المونة اللي موتت الناس اللي ماتت في العمارة، ها تطلعه .. إحنا عمالين نشتكي عن قلة العدل في بلادنا، عن قلة العدل في العالم العربي، بس هل إحنا عادلين فيما نملك، في بيوتنا، في اسرنا، عايزين تشوفوا العدل في بلادنا، ورونا العدل في بيوتنا، عايزين بلادنا يبقى فيها عدل، قبل ما تمصمص شفايفك وتقول ده مش عدل، وريني بيتك عامل ازاي؟ العدل قيمة بتيجي من فوق وبتيجي من تحت .. بتيجي من فوق من الحاكم، وبتيجي من تحت من البيوت، العدل تربية في البيوت، العدل ثقافة، العدل طريقة تربية، تأتي من فوق وربنا وشوف وتعالى نسعم الآيات والأحاديث اللي بتتكلم ازاي العدل من فوق ومن تحت .. شوف من فوق أنا باهدي الآيات والأحاديث دي للحكام، يقول النبي صلى الله عليه وسلم : "سبعة يظلهم الله في ظله يوم لا ظل إلا ظله، إمام عادل .. رئيس بلد عادل، رئيس محكمة عادل، رئيس شرطة عادل، أنا باهديهم قول الراجل لما شاف عمر بن الخطاب نايم في أمان في وسط الشارع، عدلت فأمنت فنمت يا عمر .. أنا باهديهم قولة بن تيمية، إن الله يحفظ ويقيم الدولة العادلة وإن كانت كافرة، ولا يقيم الدولة الظالمة وإن كانت مسلمة.

لكن العدل كمان بيجي من تحت وده الأهم، يا جماعة تعالوا نتكلم عن بيوتنا وأسرنا وجيرانا، اسمع وتعالى اسمع آيات ربنا اللي بتتكلم عن العدل، اسمع آيات الله تبارك وتعالى: (إِنَّ اللَّهَ يَأْمُرُ بِالْعَدْلِ وَالْأِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ)(النحل: من الآية90) اسمع قول الله تبارك وتعالى: {إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ}..(النساء: من الآية58) أكثر حاجة يوعظكم بها العدل، نعما يعظكم به .. اسمع قول الله تعالى .. والآية دي جامدة جدًا .. {يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ}.. (المائدة:8) شايف قرآنا .. شايف الكلام فيه دستور من دساتير أوروبا أو العالم فيها مثل هذا الكلام؟ ها تو لي دستور فيه الكلام ده .. اسمع الآية التي تليها .. {يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ [شفتم الأمثلة اللي أنا قلتها في الأول، يبقى اختيار واحد هو الصح ولا اثنين ولا ثلاثة، ما أعرفش فكروا] وَالْأَقْرَبِينَ إِنْ يَكُنْ غَنِيّاً أَوْ فَقِيراً فَاللَّهُ أَوْلَى بِهِمَا فَلا تَتَّبِعُوا الْهَوَى أَنْ تَعْدِلُوا وَإِنْ تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ خَبِيراً}..  (النساء:135).

اسمع قول الله تبارك وتعالى {وَأَمَّا الْقَاسِطُونَ [اللي مش عادلون الظالمون] فَكَانُوا لِجَهَنَّمَ حَطَباً}.. (الجـن:15) يا ساتر يا رب .. يا اللي زورت، يا للي شهدت زور، يا للي خنت مراتك ولم تعدل فيها، ياللي فضلت عيل على عيل في الميراث، ياللي أكلت حق بني آدم، وأما القاسطون فكانوا لجهنم حطبا، والعكس حديث النبي صلى الله عليه وسلم إن المقسطين يعني العادلين، القاسطون اللي هم الظالمون، والمقسطين هم العادلين، "إن المقسطين على منابر من نور يوم القيامة، عن يمين الرحمن، فقالوا صفهم لنا يا رسول الله؟ قال الذين يعدلون في حكمهم [حكام من فوق] وفي أهلهم" عرفت ليه تيجي من تحت ..

يقول الله تعال: "وعزتي وجلالي يا مظلوم لأنصرنك ولو بعد حين" ..

قصة اليوم بتحكي حاجة عالية قوي، راقية قوي، ازاي العدل لما يبقى عالي قوي، كأنها ترسم في السماء خط وتقول تعرفوا توصلوا لده، ده خط العدل في الإسلام .. أنا أهدي هذه القصة لكل من شاف العدل في أوروبا وقال شايفين العدل .. أنا عايز أوريك العدل في الإسلام عظيم أد إيه.

القصة في عهد النبي صلى الله عليه وسلم وحصلت بعد الهجرة بسنتين ثلاثة، لازم عشان تعرف مستوى العدل راقي أد إيه في المدينة وعند النبي صلى الله عليه وسلم لازم تعرف الأول جو المدينة عامل ازاي، النبي ظل في مكة 13 سنة يحارب ويضطهد ويكذب ومحاولات لقتله، قتال أصحابه وإيذائهم ويحاول النبي أن يبحث عن بلد يخرج إليها تؤيه .. ويلف على القبائل 26 قبيلة كلهم يرفضون ويروح الطائف يضربوه بالحجارة، حتى أخيرا يجد 6 شباب من الأنصار يؤمنوا بالرسالة . .. شباب يؤمنوا بالرسالة ويقولون نحن نحميك تعالى معنا، بس إحنا من الأوس، وبين الأوس والخزرج معارك شديدة، لنا 40 سنة نقالت بعض، مين عارف يمكن ربنا يهدي الأمور، لو جيت معنا الآن ستكون بتاع الأوس وحدهم، فستكون ضد الخزرج فلن يؤمنوا بك، شوفوا الشباب العاقل، خلينا نرجع ونحاول يجي معنا المرة القادمة ناس من الخزرج فتكون للأوس والخزرج، فاتوا السنة التالية 12 واحد، تسعة أوس و 3 خزرج، فانضبط الأمور شوية ثم السنة التالية 73 وبعدين هاجر النبي صلى الله عليه وسلم للمدينة، المفروض بعد أن استمريت 13 سنة بتحاول أن تهاجر لمكان معين، و26 محاولة، فلما تروح المدينة يجب أن تحافظ على نفسك جيدا، فهذا هو المأوى، حافظ على نفسك هنا ...

طيب العلاقة بين الأوس والخزرج عاملة ازاي، ده كان بينه حروب طاحنة، 40 سنة، فالنبي بيلصم العلاقة، يعني ربنا يستر، ده لو حصلت بينهم مشكلة ممكن أن يفسد الموضوع، وخلينا نحافظ على الوضع في المدينة، وللعلم العلاقة بين الأوس والخزرج في المدينة أصبت عشرة على عشرة من أول يوم، دي احتاجت جهود، لدرجة أن النبي أول ما دخل المدينة، أول خطبة له كانت داخل المدينة قال للأوس والخزرج "أيها الناس أطعموا الطعام، وصلوا الأرحام" فاهمين الخطبة عايزة تقول إيه، صلحوا اللي بينكم، وتنزل أيات كثيرة تتكلم عن الأخوة والأحاديث كثيرة عن الأخوة لأنه هناك مشكلة، حرب استمرت 40 سنة .. وأكثر من ذلك، بعد ما النبي هاجر بتسعة سنين حصلت حادثة الإفك لما اتهمت السيدة عائشة فالنبي طلع على المنبر يقول من يعذرني؟ هناك رجل أذاني في أهلي، فطلع له واحد من الأنصار من الأوس، قال يا رسول الله إن كان من إخواننا من الأوس قطعنا عنقه، وإن كان من الخزرج قطعنا عنقه، فطلع له واحد من الخزرج اثنان من الصحابة المخلصين، قال لا والله لا تقطع عنقه ولا تقدر، فقال له اسكت يا منافق، فحمل كل منهم سيفه، فقام الأوس والخزرج يحملون سيوفهم .. فالنبي حزن جدا ونزل من على المنبر وقال دعوها دعوها فإنها منتنة، بلاش . وهذا الكلام بعد تسعة سنين .. أما هذه الحادثة فهي بعد ثلاثة سنين، يعني لو حصلت مشكلة بين الأوس والخزرج ماذا سيحدث؟ كارثة ..

طيب هي المدينة قوس وخرزج فقط؟ لا ده أنا ها صعد لك الموضوعن ده المدينة فيها أوس وخزرج وفيها كفار لم يسلموا، وفيها منافقين يبحثون عن خرم ينفخوا فيه نار علشان يعملوا مشكلة، وفيها يهود، ثلاثة قبائل من اليهود .. ياه ... دي بيئة صعب جدا، ده النبي عمل مجهود غير عادي، طيب الثلاثة قبائل اليهود دول .. كل هذا وأنا أمهد لك حتى تعرف مستوى العدل اللي ها حكيه بعد شوية .. طيب الثلاثة قبائل اليهودية دول قلبوا الناس على النبي، دول جمعوا قريش ضد المسلمين، جمعوا عشرة آلاف في غزوة الخندق من العرب كلهم ضد المسلمين، دول أكثر ناس بينا وبينهم مشكلة، دول حاولوا يقتلوا النبي مرتين، مرة يرموا عليه حجر من فوق سطح دار ومرة يسموا له شاة مسمومة لو أكلها مسمومة، دول اللي راحوا للكفار وقالوا أنتم أفضل من محمد ونزل فيهم قرآن {وَيَقُولُونَ لِلَّذِينَ كَفَرُوا هَؤُلاءِ أَهْدَى مِنَ الَّذِينَ آمَنُوا سَبِيلاً}..(النساء: من الآية50) ده دول اللي بعد ما عرفوا أنه نبي واحد منهم بيقول للثاني أهو هو .. هو ده فعلا النبي، قال: نعم .. قال: فماذا تنوي؟ قال: عداوته ما حييت ..

شايف الوضع في المدينة عامل ازاي، يعني يا رسول الله أنت بتتعامل مع كل الوضع ده ازاي، مع كل الدنيا دي ازاي، إيه اللي حصل وسط ده كله بعد ما شرحت لك كل أوضاع المدينة في الوضع ده كله الصحابة فقراء يربطون على بطونهم حجر من شدة الجوع، لو واحد عنده درع يا نهار أبيض ده غني .. والقصة اسمها قصة الدرع المسروقة .. لو واحد عنده درع كما أنه عنده عربية دلوقت في بلد ما فيش فيها عربيات، حاجة ثروة، طيب جاب ازاي الدرع ده، هو اسمه رفاعة بن النعمان، جابها ازاي .. طلع مع النبي غزوة، فكسب ففي الغنائم أخذ درع، فرجع بكنز، ورفاعة هذا مسلم جديد، ابن أخوه اسمه قتادة، رفاعة بعدما أخذ الدرع وفرحان به، بعد يومين سرق الدرع، رفاعة وقتادة من الأوس، مين اللي متهم في سرقة الدرع؟ واحد من الخزرج، فهمتم القصة رايحه فين .. واحد من الخزرج اسمه بشير، مسلم جديد .. قتادة بن النعمان اللي هو مؤمن قوي، خايف على عمه رفاعة صاحب الدرع أحسن شكله لسه في الأول ولو الدرع سرقت فتأكد قتادة كما يقول، أنه شاف بشير أخذ الدرع، فذهب إلى النبي صلى الله عليه وسلم يا رسول الله سُرق درع عمي رفاعة واللي أخذها يا رسول الله هو بشير .. من بشير؟ من الخزرج .. هل صح بشير اللي أخذها؟ هل هو فعلا .. فاغتنم النبي صلى الله عليه وسلم ... ليه؟ لثلاثة أشياء:

أولا: مسلم هو اللي سرق فاليهود والكفار والمنافقين ها يشمتوا في المسلمين ..

ثانيا: دي مشكلة أوس وخزرج.

ثالثا: التوقيت ده إحنا لسه في ثالث سنة ... يعني لسة بنحلم ..

مشكلة والنبي قاعد وها يبدأ يأخذ إجراءات، ها يستدعي بشير ويشوف بيت بشير، وإذا الحمد لله، ثلاثة من الخزرج جايين لا يا رسول الله، بشير برئ، بشير لم يأخذ الدرع، اللي أخذ الدرع واحد يهودي .. اسمه زيد بن السمين، واحنا يا رسول الله شفناه بالدرع جوه بيته، روح يا رسول الله وفتش بيت زيد اليهودي وستجد الدرع هناك ..

النبي صلى الله عليه وسلم أرسل واحد من الصحابة مجموعة من الصحابة محمد بن مسلمة، ذهبوا وخبطوا على بيت زيد، فتح الباب قالوا له النبي أرسلنا في حاجة، حاجة إيه، دخلوا يفتشوا .. مش لاقين حاجة، دخلوا الحديقة بتاعته وجدوها مدفونة، .. أخذوا الدرع ورجعوا للنبي صلى الله عليه وسلم الحمد لله حلت المشكلة أخذ النبي صلى الله عليه وسلم الدرع، فجم الخزرج الثلاثة الذين آتوا للنبي، قالوا شفت يا رسول الله .. كان ها يظلم بشير وقتادة قال على بشير دافع عنه يا رسول الله وبرئه وخاصم عنه وجادل عنه، .. خاصم وجادل يعني يدافع عنه .. فصعد النبي على المنبر ودافع عن بشير وبرأ بشير، وقال: لم يعمل ونظر لقتادة وقال جئتني بغير بينة تتهم أهل بيت من المسلمين، لدرجة أن قتادة قال يا ليتني كنت طلعت كل فلوس لعمي يشتري بيها درع، ولا أني قلت للنبي كده، .. واستراح المسلمين والحمد لله، وناموا مستريحين، وصلوا العشاء، وسري عن الصحابة، والحمد لله كانت ها تحصل أزمة بين الأوس والخزرج، وناموا على ذلك .. لكن نزل جبريل من السماء، قبل الفجر، علشان يقول: .. تعالوا نكمل بعد الفاصل ونشوف ربنا ها يقول إيه؟ والآيات ها تقول إيه؟ والعدل عظيم لأي درجة ..

المتهم يهودي، والمبرأ خزرجي، مسلم .. والحرص كل الحرص على توطيد العلاقة بين الأوس والخزرج .. لكن جبريل ها ينزل قبل الفجر بقرآن يقول إيه ..؟

نكمل بعد الفاصل...

.......................................................................................

بسم الله الرحمن الرحيم .. تعالوا نكمل قضية في قضايا العدل المتهم الآن زيد اليهودي، واليهود بينهم وبين المسلمين مشكلة كبيرة، والمبرأ هو بشير الخزرجي، والحمد لله نام المسلمين العشاء، وهم يقولون الحمد لله إنه طلع المتهم يهودي وليس خزرجي، وإلا حدثت بين الأوس والخزرج مشكلة، فالحمد لله أنها جاءت على كده ..

نام المسلمين مستريحين ويقولون الحمد لله أنها جت في اليهودي وهناك دليل ولم نظلم أحد، ولكن السماء، لكن عدل ربنا، ينزل جبريل قبل الفجر، ليه قبل الفجر؟ ما كان ينتظر .. لا فيه برئ .. ينزل يقول يا رسول الله اليهودي برئ، وبشير هو السارق، ماذا حدث؟ اللي حصل أنه قتادة فعلا شاف بشير وهو واخد الدرع، لما بشير راح للنبي وقال له بشير أخذ الدرع كان صادقًا، بشير أخذ الدرع، سرقها كان لسه إيمانه ضعيف، لما عرف أن النبي عرف وأن قتادة ذهب وأبلغ النبي، يريد أن يتخلص من الدرع، فكيف يتخلص من الدرع، لو ها يتخلص منها وبس أو رماها فستظل الشبهة، ولكن يريد ان يتخلص من الدرع .. ففكر أن يفعل شيء أسوأ، جاري الحيطة في الحيطة واحد اسمه زيد يهودي، لو عبرت السور ودفنتها في حديقة اليهودي وراح حد غيري يقول أن اليهودي هو اللي أخذ الدرع، المسلمين ها يكونوا مستعدين يصدقوا عشان مشكلتنا مع اليهود، وبكده أكون خلصت من الموضوع وها تمشي وها تركب وما ها يصدقوا .. نط وأخذ الدرع ودفنها ورجع تاني ونادى أربعة من عائلته، وقال لهم أنا عملت كذا كذا .. وأنا أخطأت ولن أعود لذلك مرة ثانية، ولكن اسم العائلة ها يروح، روحوا للنبي وقولوا زيد اللي سرق، واحد من الأربعة قال: لا.. أنا ما أعملش كده، دي خيانة لرسول الله صلى الله عليه وسلم .. قال: فاسكت، واكتم عني .. قال له سأكتم عنك، بس عارف أنه فيه واحد برئ، والثلاثة الآخرين راحوا وقالوا .. جبريل نزل يقول للنبي اللي حصل أنت جادلت عن واحد ما ينفعش تجادل عنه، النبي عليه الصلاة والسلام وقف في العشاء يجادل عنه، والآن .. طيب ليه قبل الفجر، عشان في صلاة الفجر لازم تعلن البراءة، ليه؟ لأن تأخير العدل ظلم، المحاكم اللي تقعد فيها القضايا دلوقتي في بلادنا بالعشرة والعشرين سنة تبقى الست مش عارفه تأخذ حقها بالعشر سنين المحكمة اللي تقعد تأخير العدل ظلم، فكان لابد بعد الفجر وتنزل الآيات ممكن تسمع الآيات وتشوف يا نهار أبيض بس ده ممكن يعمل مشكلة بين الأوس والخزرج العدل بس إحنا كده هيفرح اليهودي العدل بس كانت تأخذ لها شهر أو اثنين تمهيد حقه البريء لازم يطلع أنا بهدي القصة ده للي يشهدوا في المحاكم زور، أنا بهدي القصة ده للي بظلموا ستتهم ، أنا بهدي القصة ده لكل ظالم يضيع العدل لكل واحد كتب ميراث حرام أنا بهدي لكل مزور بهديها لكل محامي يترافع عن واحد وهو عارف أنه ظالم أنا بهديها لكل واحد صاحب يمين في محكمة يمين ظلم.

 يقول النبي صلى الله عليه وسلم: "الكبائر ثلاثة: الكفر بالله، وقتل النفس، وكان متكئا فجلس واحمر وجهه ألا وقل الزور، ألا وشهادة الزور، فظل يرددها شهادة الزور ألا إنها اليمين الغموس يعني إيه غموس ثم يقول تغمس صاحبها في النار ، حتى قلنا ليته يسكت".. بأت صعبة أوي أنا بقول الكلام ده لكل هؤلاء اسمع كلام ربنا نزل جبريل من السماء ويطلع النبي على المنبر بعد صلاة الفجر ويقرأ الآيات اللي أنا هقولها افتح معايا سورة النساء الآية 105 سورة النساء { إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ وَلا تَكُنْ لِلْخَائِنِينَ خَصِيماً (105)}

 الثلاثة اللي ، واللي عمل كده { وَاسْتَغْفِرْ اللَّهَ إِنَّ اللَّهَ كَانَ غَفُوراً رَحِيماً (106) وَلا تُجَادِلْ عَنْ الَّذِينَ يَخْتَانُونَ أَنفُسَهُمْ إِنَّ اللَّهَ لا يُحِبُّ مَنْ كَانَ خَوَّاناً أَثِيماً (107) يَسْتَخْفُونَ مِنْ النَّاسِ وَلا يَسْتَخْفُونَ مِنْ اللَّهِ وَهُوَ مَعَهُمْ إِذْ يُبَيِّتُونَ مَا لا يَرْضَى مِنْ الْقَوْلِ وَكَانَ اللَّهُ بِمَا يَعْمَلُونَ مُحِيطاً (108)  هَاأَنْتُمْ هَؤُلاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَنْ يُجَادِلُ اللَّهَ عَنْهُمْ يَوْمَ الْقِيَامَةِ أَمْ مَنْ يَكُونُ عَلَيْهِمْ وَكِيلاً (109) وَمَنْ يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرْ اللَّهَ يَجِدْ اللَّهَ غَفُوراً رَحِيماً (110) وَمَنْ يَكْسِبْ إِثْماً فَإِنَّمَا يَكْسِبُهُ عَلَى نَفْسِهِ وَكَانَ اللَّهُ عَلِيماً حَكِيماً (111) وَمَنْ يَكْسِبْ خَطِيئَةً أَوْ إِثْماً ثُمَّ يَرْمِ بِهِ بَرِيئاً فَقَدْ احْتَمَلَ بُهْتَاناً وَإِثْماً مُبِيناً (112)}.. وأعلن النبي صلى الله عليه وسلم زيد اليهودي بريء والسارق هو بشير .. فقام قتادة لأن قتادة شاف الدرع قتادة صاحب الدرع ورافعها يبكون ويقولون صدق الله صدق الله صدق الله الدرع لله الدرع لله الدرع لله تصدقوا وهم واقفين بالدرع؛ لأن العدل .. العدل أخباره إيه ، عدلك في بيتك عامل إيه ؟

عدلك مع مراتك عامل إيه؟

 عدلك مع أولادك عامل إيه؟

 عدلنا في بلدنا عامل إيه؟

 ده قرآننا ده ديننا شايفين المستوى العالي طيب والأوس والخزرج العدل فوق كل الموضوع ده، والمشكلة اللي موجودة في المدينة العدل فوق كل الكلام ده ولو على الوالدين أو الأقربين اعدلوا هو أقرب للتقوى { وَلا يَجْرِمَنَّكُمْ شَنَآنُ قَوْمٍ }.. عداوتكم مع اليهود وبدأت تنزل بقية الآيات بقيت الآيات كل ده في سورة النساء نزل وراها ولا يجرمنكم شنئان قوم على أن لا تعدلوا اعدلوا هو أقرب للتقوى وتنزل الآية اللي بعديها { يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنفُسِكُمْ أَوْ الْوَالِدَيْنِ وَالأَقْرَبِينَ }.. ده القصة ، أنا يا جماعة كنت قاعد في انجلترا من حوالي ستة أشهر وتعرفت على رجل كاتب بيكتب كتب فكان بيفكر يكتب كتاب عن الإسلام فجاء قابلني وشكله كان عاوز يحط في الكتاب يعني ، هو هندي بريطاني فقال لي عاوز تقول ليه حاجة أن هكتب وحسيت من كلامه فقلت له: أنا عاوز أحكي لك قصة.. فحكيت له القصة ده قال لي القصة ده أكيده قلت له هي في القرآن والله يا جماعة فضل ساكت كده قال لي أنا مسمعتش قصة عن العدل زي ده، أنا سمعت كتير قصص عن العدل أنا سمعت عن ترششل عن الحرب العالمية الثانية عمل موقف عظيم لما ناس كانت بريطانيا كانت محتاجة مطار سري علشان الحرب مع ألمانيا فللي جانب المطار قالوا ده يأذي راحتنا .. فبعتوا للقاضي شكوى فالقاضي أمر بغير عمل المطار وده كان من العدل الشديد.

 بس القصة اللي أنت بتحكيها ده أنا لم مسمعتشها قبل كده ممكن تجيب ليه قرآن مترجم فيه القصة ده، فجبت له قرآن مترجم فقال لي أنا عاوز أحط القصة ده في مقدمة الكتاب بتاعي القصة اليوم موجودة على عمرو خالد دوت نت ، مترجمة بكل اللغات علشان اللي عاوز يستخدمها يوريها لأي أحد مش علشان نكون مسلمين علشان يحترم إسلامنا علشان يحترم قرآننا ده القصة إحنا فين بقا إحنا فين يا مسلمين.. إحنا فين في العدل .. إحنا عاملين إيه في العدل؟ إحنا فعلا عادلين؟

 طيب إحنا في بيوتنا مع أنفسنا مع عائلتنا هل إحنا عادلين هل أساتذة الجامعة عادلين في درجاتهم ولا العاطفة ساعات هتحكم القضاء الناس اللي بتشهد في المحاكم اللي اللي اللي المحامين خليني أبدأ بالبيوت هل إحنا عادلين تخيل لما نزلت القصة ده، أسألك سؤال طيب الأوس والخزرج عملوا إيه حصلت مشكلة أبدا ربنا سبحانه وتعالى العدل يحمي، إيه اللي حصل الخزرج معملوش مشكلة ليه معملوش مشكلة أصل الخزرج حسبوها صح قالوا إذا كان العدل كده مع اليهودي إذا كان القانون محترم كده يبقى إحنا كمان لا نخاف على نفسنا في المستقبل هيبقى فيه أمان لنا ولهم ، ولو القانون على الجميع يبقى خلاص يبقى أنا مطمئن مش خايف مش عارف هيحصل إيه بكره: "لو أن فاطمة بنت محمد شوف العدل سرقة لقطع محمد يد فاطمة صلى الله على محمد صلى الله عليه وسلم فيه عدل زي كده في الدنيا" .. فيه عظمة زي كده أكيد اليهودي أسلم لأ لم يسلم طيب لم يسلم ليه هو حر ، طيب تصدقوا إن هو لم يسلم لها معنى كبير العدل قيمة بصرف النظر عن النتائج .. العدل مبدأ أصل لو أسلم كنا هنركز على فكرة أنه أسلم شفتم عملنا ده علشان ده أنا بعمل ده علشان ده دين أنا بعمل كده علشان أمر ربنا على فكره بشير عمل إيه لما عرف رتب غلطة على غلطة عمل إيه هرب من المدينة يعني مش واجه غلطته هو كان ضعيف الإيمان .. هرب من المدينة وراح لأعداء المسلمين ونزل فيه قرآن على فكره نزل فيه قرآن يوصف اللي هو عمله، نزل فيه { وَمَنْ يُشَاقِقْ الرَّسُولَ مِنْ بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءَتْ مَصِيراً (115)}.. طيب والثلاثة التانين تابوا واستغفروا وقبل منهم وبعدين شوفوا التصوير الرهيب {يَسْتَخْفُونَ مِنْ النَّاسِ وَلا يَسْتَخْفُونَ مِنْ اللَّهِ وَهُوَ مَعَهُمْ إِذْ يُبَيِّتُونَ مَا لا يَرْضَى مِنْ الْقَوْلِ وَكَانَ اللَّهُ بِمَا يَعْمَلُونَ مُحِيطاً (108)}.. هيروحوا منه فين إذ يبيتون مالا يرضى من القول أنتم متشافين في كل مكان الرقيب موجود ، ها يا اللي بتبيتوا الظلم أنت مشتاف بهديك الآية ديه اسمعها: "الظلم ظلمات يوم القيامة".

 اللي يظلم ظلمات .. يا عبادي إني حرمت الظلم على نفسي وجعلته بينكم محرما فلا تظالموا .. وكان الله بما يعملون محيطا تحس إنها حملة قرآنية رهيبة والحملة مستمرة { هَاأَنْتُمْ هَؤُلاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَنْ يُجَادِلُ اللَّهَ عَنْهُمْ يَوْمَ الْقِيَامَةِ أَمْ مَنْ يَكُونُ عَلَيْهِمْ وَكِيلاً (109)}.

 وبعد ما الحملة تنتهي يحط ثلث قواعد كبرى ثلث قواعد للعدل القاعدة الآولى يفتح باب التوبة .. تقول: إيه القاعدة ومن يعمل سوءا أو يظلم نفسه ثم يستغفر الله .. يا رب على فتح الباب اللي شهدوا زور واللي غلطوا برأه واستغفر ربنا نغفر لك اللي فات .. تيجوا نخلي الليلة هذه ليلة توبة هي كل واحد صمت أو حدت عن الحق لو أنت ظالم واحد في رمضان بالله عليك عايز ربنا يعتقك الليلة ده ممكن واحد يسكت دلوقتي ويفكر ظالم أحد قتلت حق أحد الخدم اللي عندك افتكر فلان اللي أخذت منه حاجة غصب عنه واختفى وبعد كده قلت يا ريت أعطتهاله تصدق بيها.

 مراتك خنتها جوزك اوعي تكوني مين هيستغفر تيجي نخليها ليلة توبة اليوم أنا بقول لك إحنا في اول علشان كده قلنا أوله مغفرة علشان كده حطينا الحلقة ده 10 رمضان مين هيتوب الليلة ده من الظلم لازم ترجع  للحق .. عايز تعمل عمرة رايح تعمل عمرة ومش مرجع له الحق وهو لسه في السجن بشهادتك وبتعيط له وبتروح وعمال تدعي ادعي يا عم ادعي لازم ترجع له الحق ، لكن يفتح باب التوبة يا سلام يا رب على رحمتك .. ومن يعمل سوء أو يظلم نفسه ثم يستغفر الله يجد الله غفورا رحيما.

 الله على رحمتك يا رب .. على حنانك يا رب .. يا بن أدم إنك ما دعوتني ورجوتني غفرت لك على ما كان منك ولا أبالي.. يا بان آدم لو بلغت ذنوبك عنان السماء ثم استغفرتني غفرت لك يا بن آدم لو آتيتني بقراب الآرض خطايا أد الكرة الأرضية خطايا ثم لقيتني لا تشرك بي شيئا لأتيتك بقرابها مغفرة .. يا سلام يا رب يا عظيم يا تواب يا رحيم يا ودود تبت يا رب تبت إليك لأ بأنت بعد كل ده "ده تابوا" أصل لما سمعوا الآية ديه تحرك في قلوبهم يا سلام على رحمته لم ييأسهم بس هقول لك حاجة عجيبة في القصة .. القصة بتتكلم على رقابة ربنا جامد قوي أنت واخد بالك القصة يستخفون من الناس ولا يستخفون من الله وهو معهم إذ يبيتون تتكلم عن اسم الله الرقيب قوي خلي بالك ربنا شايفكم ليه أصل المرة ده جبريل نازل بالوحي لكن في كام ألف قضية في المحاكم .. جبريل مش هينزل بالوحي ضميرك بقا الرقيب ، ربنا شايفك هآنتم جادلتم عنهم في الحياة الدنيا فمن يجادل الله عنهم يوم القيامة، محدش شافك وتبرأت وأمام مراتك أنت مش خاين وعشرة على عشرة وهي فرحانة بك وأنت عارف من جواك يستخفون من الناس ولا يستخفون من ا لله وهو معهم .. شايفك ربنا الحركة اللي أنت عاملتيها مع زوجك شايفك شايفك.

اسمه الرقيب .. كبير قوي في القصة يا جماعة هعلمك دعاء كل يوم وأنت جاي تنام قول اللهم شاهدي الله ناظري الله رقيب علي، قولوا كتير كل يوم عارف هيعمل فيك إيه هيصحي أنت فيك جهاز إنذار بس نايم اسم الرقيب مش شغال جهاز الإنذار أنتم عارفين في المحلات في أوروبا اللي واخد بضاعة غلط هو طالع من المحل بيحصل إيه تيت تيت، جهاز إنذار ربنا خالق جوانا نفس الجهاز ده،  بس الجهاز ده ساعات يبقى متعطل لما ضميرك يبقى بينام قوي اسم الله الرقيب يكبر الجهاز الله ناظري الله شاهدي .. اكتبوه عندكم.

 الله ناظري.

 الله شاهدي.

 الله رقيب علي.

 كل ليلة هتبقى زي الفل، يا جماعة إحنا تاريخنا مليان إحنا إيه إحنا تاريخنا ده كله راح فين إيه اللي حصلكم يا مسلمين هو إيه اللي حصل لنا يا جماعة شوف العدل في آيام ما كان الرقيب اسم الله الرقيب حي، سيدنا عمر بن الخطاب ماشي في الشارع يقابل في الطريق كده يلاقي بتاع غنم يقول له أبتاع منك واحدة من هذه الغنم.

 قال: إنها ليست لي إنها لسيدي.

 قال: أعطني إياها وأعطيك المال .. بيختبره وقل لسيدك أكلها الذئب .. فالغلام الصغير اللي متربي محدودي الثقافة نظر لعمر قال: الله أكبر فأين الله؟!

 فبكى عمر وقال صدقت.. فأين الله؟!

 يا جماعة رقيب عليكم شايفك أنت مكشوف أنت مكشوف تماما سرا وعلانيتك أنت ممكن تضحك على مراتك بس مش هتعرف تضحك عليه .. أنت ممكن تبتسم في وش بني آدم وأنت تكرهه لكن وشك مكشوف أمام ربنا أنت مشكوف الرقيب شايفك .. اسم الله الرقيب في الحلقة ديه ربنا بيقول مش هينفع يبقى فيه ألف شرطي وشرطي وألف كاميرا وكاميرا بيراقبوا كل بني آدم لكن في ربنا في ضميرك في جهاز إنذار جوه .. يا ترى الحلقة ده هترجع كام حق النهاردة يا ترى ممكن الحلقة ده ترجع حقوق أنا نيتي ده في الحلقة يا ترى ممكن حقوق ترجع النهاردة.

 أنا أعرف رجل سوري اتاكل حقه من واحد ظلمه ومكنشي فيه ورق من كثرة الغضب والألم مرض مرض الموت .. فجاب ابنه وكتب ورقة وقال له: لما أموت تروحوا بالجنازة بتعتي من أمام فلان اللي أكل حقه وطلع الورقة وتقرأها له .. فأخذ الورقة الولد بعد ما مات الراجل ومشيت الجنازة أمام الظالم وقال له: ابويا الميت باعت لك الرسالة دي.

 فمسك الراجل الرسالة فوجده كاتب له: "إني ذهبت إلى الله وهو يعلم ماذا فعلت بي .. وهو يراني ويراك موعدنا يوم القيامة لأسترد حقي".

 أنا أعرف واحدة ست زوجها تزوج عليها وخبى .. وهي عرفت لكن كانت ساكته شافت إن هي مش عاوزه تهد البيت .. ففضلت ساكته مات الراجل الست اللي عارفه الرقيب أخذت حق الستة الثانية في الميراث وقالت لأولادها وابعتوا لفلانة حقها في الميراث .. ومفيش ورق ياه اتغلبت على غيرتها مقابل العدل .. يا جماعة ده كان تاريخنا وبحكي لكم حكايات قريبة في سوريا وبلادنا وفي مصر فقالت لهم ودوا لها حقها المفاجأة الست الثانية قالت: لأ ده مش حقي هو طلقني من أسبوع .

 القصتين دول حصلوا في الشام .. بكره موعدنا مع قصة في حب القدس .. قصة بكره عن حب القدس ندعي.

يا رب يا ذا الجلال والإكرام يا ذا الجلال والإكرام يا أرحم الراحمين .. يا أكرم الأكرمين يا أجود الأجودين يا رب يا رب تسمعنا الآن وترانا يا كريم .. يا عدل يا عدل يا عظيم يا عظيم كتابك عظيم كلامك عظيم قرآنك عظيم رحمتك وسعت كل شيء خلقت السموات والأرض بالحق بالعدل .. يا من حرمت الظلم على نفسك وجعلته بيننا محرما يا عدل يا رب رد الناس إليك ردا جميلا رد الناس إلى العدل ردا جميلا .. رد الناس للعدل ردا جميلا اغفر ذنوبنا استر عيوبنا ارحم ضعفنا اجبر كسرنا .. يمن كتابنا يسر حسبانا تولى أمرنا اعتق رقابنا فك أسرنا آمن روعاتنا أستر عوراتنا اغفر ذلاتنا اقبل توباتنا اقبل توبتنا الليلة يا رب الليلة يا رب نستغفرك نتوب إليك نتوب إليك .. نستغفرك ونتوب إليك .. يا رب اجعلها ليلة توبة يا رب اجعلها ليلة توبة يا رب اعتقنا الليلة ده فات أيام طويلة من رمضان وأنت كل ليلة بتعتق ناس من رمضان أعتقتنا اعتقنا يا رب يا رب لم نتحمل جهنم اعتقنا يا رب .. اعتق ولادنا اعتق زوجاتنا اعتق آباءنا أمهاتنا يا رب أمنا وأبوينا يا رب اللي ماتوا من عائلتنا .. اعقتهم الليلة يا رب أجدادنا يا رب اجعلها ليلة توبة اجعلها ليلة عدل اجعلها ليلة رحمة اجعلها ليلة مغفرة يا رب بدأت أيام المغفرة اغفر لنا يا حي يا قيوم .. برحمتك نستغيث رد العدل لبلادنا رد العدل لبلادنا ارحمنا ارحمنا اغفر لنا انصرنا في بيوتنا .. اجعل العدل في بيوتنا على ستتنا اغفر ليس لنا غيرك اغفر سامح انت الكريم وإحنا المخطئين نروح لمين ليس لنا غيرك يا رب سامح اغفر رمضان هيفوت متسبناش ليس لنا سواك يا ذا الجلال والإكرام .. قرآنك عظيم أعنا على أن نتخلق بالقرآن يا رب يا رب آمين آمين آمين، وصلى اللهم وسلم وبارك على سيدنا محمد.

 والسلام عليكم ورحمة الله وبركاته


،

ارشيف الممدونة


بحث داخل المدونة

جارٍ التحميل...

الساعة

أعلانات مدونة اكرم يعقوب اتصل بالادارة
   أعلن معنا فى ملتقى مدونة اكرم يعقوب    أعلن معنا فى ملتقى مدونة اكرم يعقوب    أعلن معنا فى ملتقى مدونة اكرم يعقوب    أعلن معنا فى ملتقى مدونة اكرم يعقوب    أعلن معنا فى ملتقى مدونة اكرم يعقوب                                                                                                                                          

اوقات الصلات

الساعة

تقويم ميلادي هجري

التحميل دون التسجيل

اصعب فراق

دوماهيك خاتر خاستن.

صفحة المدونة

صفحتي الخاصة

ملتقى المحاسبين في دهوك

راديو لقران

برامج مهمة

 

 

 

 

 

  

 

 

 

 

 

 

اخبار الطقس في كوردستان

تعليم اللغة الانكليزية بالفيديو

حكمة المدونة


تعصي الإله وأنت تزعم حبه *** هذا لعمري في القياس بديع لو كان حبك صادقا لأطـــعته *** إن المحب لمن يحب مطــيعبركاته

المتابعون

المشاركات الشائعة

: -->